Prins Frank I (Heugem, Maastricht)

Print
Prins Frank  I (Heugem, Maastricht)
Frank Aussems is uitgeroepen tot prins van Heugem, Maastricht (2018)
Uitroepdatum: 13 januari 2018
Naam: Prins Frank I (Aussems)
Vereniging: CV De waterratte
Plaats: Heugem, Maastricht
Heugem en Randwiek - 13 jannewarie 1959 en 5 kier 11 plus veer Vendaog roond de klok vaan 11 euver nege heet de demasqué vaan uzze nuie Hoeglöstigheid plaots gevoonde. Ziene naom is Prins Frank 1e mèt zien sjarmante prinses Danielle. Boete de vastelaovend geit heer door ut leve es Frank Aussems aka Jefke Stereo. Heer is geboore op 24 fibberwarie 1970 en is getrowd mèt Danielle. Same höbbe ze twie keender Sascha (16) en Femke (12). Hoesdeere: Knien Bèrke. Zie woene aon de Termilesaon 78 in Heugem. Zien duite verdeend heer beij ITSME es vertegenwoordiger. De prinses verkäöp vleis beij de slachter in Wolder. Es klein menneke (beijnao de kleinste van de klas) ging heer logere beij Oma en daan lieke kieke in Annadal. Es zingende voetbaltoesjouwer naome ze häöm Jefke Stereo. MVV heet heer noets gehaold umdat heer mer ein bein heet. Zien rechter…. Zie höbbe mekaar liere kinne in 1993 beij de Des Artistes boe Frank eindelijk Danielle dörfde aon te spreke. Mèt hun vrûn, de Wixfiejoele, zien zie mèt de vastelaovend altied aonwezig in de stad. Iers mèt de Loveboat en noe mèt ut bordeel Veer winse uuch alvas unne sjieke vastelaovend! De kanselereijraod van CV de Waterratte Programma 2018 19 januari: Prinsereceptie Geer höb daan allemaol de gelegenheid um de nuie Hoeglöstigheid te koume fêtére. Dit vind plaots in de Awwe Herremeniezaol in Heugem en begint um 19:11. 26 januari:55+ Middag Veur alle 55+ ers vaan Heugem en Randwiek ransjere veer unne fantastiesche fiesmiddag. Hepkes, draank ammezasie, danse en meziek zien de hoofzake van dizze middag. Entree gratis. 3 februari: Aw Wieverbal E sjiek fies mèt bekindmaking vaan ut Sjouwerklöpke van ut jaor. Veer nuudege uuch oet um allemaol verkleid en leuke thema's nao de Klaekeburg te koume. Aonvaank 20:33. 4 februari Kraankebezeuk Mèt fruitsjötelkes trèkke veer nao de kraanke lui van Heugem en Randwiek die door gans Mestreech woene. 12 februari: Optoch Um 14 oor vertrèk dn optoch van Heugem door de straote. Geer kint uuch heij veur opgeve via optoch@dewaterratte.nl of ut formulier op de saajt.
Wil je ook een (jeugd)prins of prinses aanmelden? Klik hier om een prins of prinses aan te melden.