Rubriek Stamtäöfelke: Waat ester te doon beej Verstraeten?

‘Groeët fieëst beej Hotel Verstraete’ © Albert Lempens

Na uitgave van het boek ‘Stamtafel Weert’ zijn er spontaan stamtafels in verschillende etablissementen ontstaan waaruit de verhalen ontspruiten, die al dan niet opgeblazen en gekleurd in de Stamtäöfelkes beschreven worden, maar altijd een basis van waarheid hebben. Deze verhalen worden opgetekend door Frits Weerts en verschijnen wekelijks in weekkrant VIA-Weert onder de naam Stamtäöfelke. Dit is aflevering 109.

Frits Weerts

In ’t book Stamtafel Weert (waat nog beej mich kunt koupe) staon völ fotoos van kefees di-j jaomergenog neet mieër bestaon. Met de beejbehuuërendje min of mieër sterke verhaole. Vae koste neet alle fotoos plaatse in det book, want dan waasj nog döbbel zoeë dik gewoeëre en haadje ’t met de kroekèr op hoês aan motte vare vanwieëges ‘t gewicht. Mer ich heb nog zoeë-n foto gevoonge di-j ich uch neet kan onthaoje. Wi-j ich ze vuur ’t ieërst in hang krieëg zoog ich oppe foto mer ein hieël klein köpke waat mich bekindj vuurkwoom en waat zjuust boeëve de groeëte boekètte bloome oetkwoom. De oeëverigge personaazjes woore vrieëmdje vör mich. En messchiens ki-jjae det gezichtje ouch trök, want det waas later ein van de mieëst bekindje kasteleins van Wieërt in ein van de mieëst bekindje kefees. Toosje Van Appeven, beej eederein baeter bekindj oonger ziêne mansnaam: Verstraeten. Van Hotel-café-restaurant Verstaeten aam de Maasport. Stamkefee van mennig Wieërtenaar en hoêskamer vanne Groêtmoeële vanne Maasport. Jaore gelieëje zeen dao de duuëre vanne kefee vör de leste kieër towgegânge, tot groeët verdreet van völ Rogstaekers, di-j zich ‘ne vastelaovendj zoonger Verstraeten neet vuur koste stelle. Vae zeen dae slaag nog neet te boeëve (schientj ’t oeëti-jje).

Mer allèh: weem stieëter nog mieër oppe foto? Ich leep gelökkig Albaer Lempens tieëge ‘t liêf, dae wist detter femiêlie van hem op stong en hae wist mich bienao alle name te neûme. Ich gaon ze neet ammaol opsomme, mer ’n paar wies ich d’r uch aan.

Zittendj achter de taofel de twieëdje en dêrdje persoeën aanne lînkerkânt zeen de schoeënaojers van Toosje di-j eur 40-jaorige broêloft aant veere zeen. Frans en Johanna Verstraeten-de Boer. Op 21 oktoeëber 1950. Staondjes inne hook ontware ve nog ‘ne bekindje Wieërtenaar: Wullem Maes, dae getrawdj waas met ’n dochter daovan. En hieëmaol aanne rechterkant zeen ve viêf kleinkîndjer di-jje nog tieëge kuntj kaome: oonger ângere Frans en Peter Lempens.

As ich de foto zoeë bekiêk, tuintj ’t mich det ’t lekker aete al gegaete es en det ’t tiêd weûrtj vör de taart en de borrel. De taart stieët klaor um aangesnieëje te waere en de borrelglaeskes staon in slaagorde opgesteldj um uut de fles vôl te laote loupe. Woeërum ein vanne gaste zien hând betuttelendj boeëve de kop van de broêdegom hultj, vältj neet op te make. Mer messchiens bedoeltje wul: dooter dae mer geine, dae hieët d’r al zat gatj.

Letj ouch effe oppe moorschîldering di-j vae os ouch nog huuëge en de schoeëne kroeënluchter met de perkamênte kepkes. Allewiel puur nostalgie. Mer ’t zal ’n schoeën fieëst zeen gewaesj.

Wil je alle Plus-artikelen lezen?

Dagelijks publiceren we meer dan 100 Plus-artikelen op onze site & app. Nieuws, achtergronden, analyses, reportages, interviews en columns. Word nu digitaal abonnee en kies voor een jaar lang korting of maandelijkse flexibiliteit.

Kies digitaal