Maaskentjse gedichte

Print
Maaskentjse gedichte

Afbeelding: Schutterij St. Joris

Born / Buchten / Holtum / Papenhoven / Obbicht / Grevenbicht / Sittard / Limbricht / Einighausen / Guttecoven / Munstergeleen / Geleen / Graetheide / Windraak - De Sjötterie

Es de sjötterie door `t dörp trukt
Kômme alle luuj nao boëte.
Ze staon dan te kiëke in de deur.
Sommige van achter de roëte..

De sjötte masjere in `t gelid.
De bielemen loupe veurop.
Dan de marketensters mit hun körfke
En sjoan heutjes op de kop.

Dao achter de keuning en de keuningin,
Soms nog eine generaal.
Dan volgt de ganse sjötterie
Dan de drumbend mit väöl kabaal.

Zoa gaon ze nao de sjeetwei.
Tot bië de vogelstang.
Vandaag is weer vogelsjete.
Dat doon ze al jaore lang.

De sjöte zin doadserieus.
Ze kampe meinens, gans verbete
Wae zal de nuuje keuning waere?
Wae zal de vogel aaf gaon sjete?

Door Frans van Mulken