Maaskentjse gedichte

Print
Maaskentjse gedichte

Afbeelding: Frans van Mulken

Born / Buchten / Holtum / Papenhoven / Obbicht / Grevenbicht / Sittard / Limbricht / Einighausen / Guttecoven / Munstergeleen / Geleen / Urmond / Elsloo / Graetheide / Berg / Windraak / Maasband / Stein / Veldschuur / Catsop / Meers - D`n awwe boum

Langs de Maas steit eine awwe boum.
Wie lang al? Neemes wét `t koum.
Hae steit dao fier in waer en wéndj.
Opa zaot dao al op de bank es kéndj.

Veugel gaon slaope op zien takke,
Es de zôn aan de horizôn geit zakke.
Ze höbbe in de kroan hun nést geboewd.
Zin aan de awwe boum toe vertroewd.

Noë, dat is get waat neeme snapt,
Moot de boum waere gekapt.
De raod haet in hun wiesheid besloate:
“De boum dae moot `t laeve laote.”

Woo hae steit moot hoagboew kômme.
Zoa ruime ze alles op die stômme.
Weer make ummer mjè natuur kepot.
`t Geldj dat maakt de waereld rot.

Door Frans van Mulken