Ós modesjtaal

Greumel in de träöt

Print
Greumel in de träöt

Zittesj laesplenkske. Afbeelding: Veldeke Krènk Zitterd

Born / Buchten / Holtum / Papenhoven / Geleen / Graetheide / Sittard / Windraak / Limbricht / Einighausen / Guttecoven / Munstergeleen / Obbicht / Grevenbicht -

Ein rubriek euver ’t gebroek van ós modesjtaal, dialek, plat, Limburgs…

Greumel beteikent eigelik res. Kump oet ’t Latien: grûmus. In Kölle haet me ’t euver jrümmel. In anger sjtreke zaet me grumel, greuzel en kruimel. Ouch in ózze greumelevlaaj of sjtruitselkouk vintj me väöl greumele, gemaak van boter, mael en basterdsókker. Dao blif gein greumel van euver.

Greumelmetje

De Veldeke Krènk Zitterd haet lèts ‘ne priesvraog oetgesjreve veur ’t sjoonste nuuj (Zittesj) woord veur place-mat. Paul Meisen bedach: greumelmetje. Patrick Werdens van Veldeke Krènk Zitterd haet weurd verzameld wobie de meiste klanke van ’t Zittesj aan bod kómme. Aan de handj van die weurd haet Jan Ruigt taekeninge gemaak veur ’t nuut Zittesj laesplenkske. Dat plenkske sjteit noe ouch op ’t greumelmetje. Geer höb die metjes en plenkskes kènne bewónjere bie de SintJoepkraom van Veldeke Krènk Zitterd. Ze zeen ouch te koup bie boukhanjel Wim Krings en bie de Zittesje VVV.

Greumel in de träöt

Dat zaet me van emes dae heisj of sjor is. De muzikante ónger uch, veural de blaozesj, weite dat es te letterlik ’ne greumel in de träöt höbs, dat veur valsje teun kènt zörge. Mer dat bès te meistes zelf sjoud, ómdat se dan ‘ne kouk of kuikske tösjedoor höbs gegaete.

Wae van uch haet nog nooitsj ‘t nómmer Greumelevlaaj van Guido en de Schintaler in de feestent of zaal mitgezónge of mitgebruld ?

Halleluja, greumelevlaaj

’n Heel groot sjtök mit sjlaagroum d’rop

Aet ich mien vingesj gans bie op

Halleluja, greumelevlaaj

Dao bèn ich toch zo aan versjlaaf

Greumelevlaaj!!

Mit de kirmes hoo-lala

Höb veer greumele op de vlaaj

En de bekker kump dan aan hoes

Jao ózze bekker, bekker, bekker, bekker,

Bekker, bekker, bekker, bekker

Op mien kneije dank ich god

Want van greumele bèn ich kapot.…

Pès de volgende maondj!

Reacties: zittesj@ziggo.nl

Mogen we even je aandacht.
Dit is een artikel van De Limburger dat gratis beschikbaar is voor iedereen. Dat geldt niet voor alle artikelen, want zogeheten Plus-artikelen zijn exclusief voor onze abonnees. Zonder abonnees kunnen wij namelijk geen Limburgs nieuws maken. Sluit je daarom ook aan en kies voor goede en betrouwbare regionale journalistiek in Limburg, met liefde en passie gemaakt. Juist in deze onzekere tijden.

Er is al een abonnement voor 7,50 per maand.

Bekijk abonnementen