Bie Wieze Van Sjpreëke

Print
Bie Wieze Van Sjpreëke

Afbeelding: Archief Heemkundevereniging Brunssum

Brunssum - Regelmatig presenteert de dialectgroep van de Heemkundevereniging Brunssum 'Bie Wieze Van Sjpreëke'. "Vier nuëdige jieëderee oet om hie aan deel te numme. Doer ´n sjtukske te sjrieve en noa w.roeselers@outlook.com te sjikke, of om ´ns langs te komme op een van os oavende; de 2e moandig van de moand om 20.00 oer in de vuurmalige Mariasjoeël teëgenuëver ’t polisieburo Prins Hendriklaan 382, 64443 AE in Broenssem."

Vuurjoar 2020

De vasteloavend woar sjuus vuurbie,
’t vuurjoar 2020 sjtong in de rie!
Vier woole sjuus lekker goan genete van langer weërende daag,
Van de natuur, de zon en ’t leëve, toch al ’n kunst op vandaag!
Mér toen krege vier “onverwach” bezeuk,
En nee, ’t woar allemoal neet leuk!
’n Virus houw os in zieën mach,
Mit al zieën gevoar en krach!
Sociale afsjtand woeërd al flot ‘n nuuj begrip,
Angerhoave meter, d’r nuje tip!
Heem blieve ’t devies, tenminste woeë ’t kint,
Restaurants en cafés gonge toe, echt ongekint!
’t Sociale leëve is in ee gevalle in geen tied,
Evenemente, concerte en sjportwedstrijde: vier zunt ze vuur effe kwiet!
De sjoeële gonge ooch toe, pap en mam woeërte meester en juf,
En dat terwijl heem wirke ooch noch ins d’r bie koam, puf, puf!

Kortom: os leëve is in zieër korte tied op d’r kop gezat,
Dat houw gene oeëts gedacht, mér leef luuj bedink uch dat,
Neet alleen noa reëge zonnesjieën kumpt, mér dat ooch tilt,
Dat noa ’n crisis ooch altied ’n nuuj begin zieën intreë hilt!
Loate vier oet dees crisis hoale wat ech belangriek is,
neet macht en geld,
Gezondjheed is mit aafsjtand de alarmsjief,
En ooch vrundsjap is ’n groeët good oppe welt
Went mit goeije Vrunj kin-ste ooch ’n crisis es dees uëverwinne,
Mér angere lieër-ste zieëker ooch weer kinne!

Biste luuj: houd uch gezondj, houd aafsjtand en bleef heem woeë ’t kint,
Zoeëdat vier sjtrakke weer van os same kinne genete en van ’t leëve kinne weëre verwint!

Door Ron Logister

Mogen we even je aandacht.
Dit is een artikel van De Limburger dat gratis beschikbaar is voor iedereen. Dat geldt niet voor alle artikelen, want zogeheten Plus-artikelen zijn exclusief voor onze abonnees. Zonder abonnees kunnen wij namelijk geen Limburgs nieuws maken. Sluit je daarom ook aan en kies voor goede en betrouwbare regionale journalistiek in Limburg, met liefde en passie gemaakt. Juist in deze onzekere tijden.

Er is al een abonnement voor 7,50 per maand.

Bekijk abonnementen