Gedich in ‘t Zittesj

Print
Gedich in ‘t Zittesj

Afbeelding: Ralph Schaeken

Born / Buchten / Holtum / Papenhoven / Obbicht / Grevenbicht / Sittard / Limbricht / Einighausen / Guttecoven / Munstergeleen / Geleen / Graetheide / Windraak - Opa zeen

Mit de kleinkènjer sjpele, mit water knoje,
mer ouch: dode-advertenties laeze,
'Wie awd waar daen doje?'
Veurlaeze, leidjes zènge, goje mit de bal,
mer ouch: pille sjlikke, jeder daag, zeve al.

Katja Ebstein, 75 intösje, 'Wunder gibs es immer wieder,
heute oder morgen, können sie geschehen,
wenn sie dir begegnen, musst du sie auch sehen',
heurapparate drage en toch neit alles versjtaon,
soms de waeg zuike, get dèkser nao de wc gaon.

De jeug wurt ummer jónger,
seks, veier lèttesj in e bouk,
opa wurt gaw awwer, eine get raofelige douk,
t verkeer drökker, alles mót jao vlotter gaon,
inlogge, gebroekesjnaam, 'Wo haw ich die wachweurd sjtaon ?'

Einmaol ónger de knei, einmaol in de kop,
kump alweier get nuuts, get angesj,
't hilt nooitsj op,
'Opa, wakker blieve, ouge aope, kóm, laot gaon!'
'Ich doon mien bès,'t is nog neit gedaon!'

Toegang tot alle Plus-artikelen?

Word nu abonnee en lees al onze Plus-artikelen voor slechts 1,04 per week. Ruim 110.000 tevreden lezers gingen je al voor.

Bekijk de actie-abonnementen