Gedicht in ’t Zittesj

Bès te dood, / dan vertrèk d’n trein nao Amsterdam gein menuut later, / sjtruimp door de Maas geine dröppel minder water, / en klink in de parkviever gein zachter aenjegesjnater.

De wedsjtried Fortuna – Feyenoord geit geweun door, / jus wie de praek van meneer pesjtoor, / en ‘t oetsjtepke van ‘t mannekoor.

De bekker bak aevegoud zien brood, / nao ‘t oranje sjtopleich kump weier rood, / en nao Èngelandj vertrèk de volgende boot.

Op de autowaeg blif ‘t aeve drök, / de laoterie geit door, me haop op gelök, / en Schiphol blif aope, luuj kómme trök.