Gedicht in ’t Zittesj

Print
Gedicht in ’t Zittesj

Afbeelding: Ralph Schaeken

Born / Buchten / Holtum / Papenhoven / Geleen / Graetheide / Sittard / Windraak / Limbricht / Einighausen / Guttecoven / Munstergeleen / Obbicht / Grevenbicht -

Euver Toon,Toots en Lissa

Eesj sjtressgedouns mit get op de computer,
zuchte, gedöldj höbbe, väöl gedöldj,
mich inhawte, probeiere, durve, doon,
daonao gelaeze dat de jóngste zoon
van Toon waar gesjtórve.

Vervolges koum ich oet bie Lissa Meyvis,
ein pupke oet Belsj, ‘t zóng ‘Lieverd’,
ein leidje van Toon, zo sjoon, zo sjoon,
ein èngelke, ‘t zóng mit flair,
kleurige vlindesj vloge óm mich haer,
daobie, ich herkènde’t geliek,
Toots móndjharmonica-meziek.

Weurd van Toon, sjtöm van Lissa, klanke van Toots,
ze drouge mich ómhoog, los van de gróndj,
eine sjtille lach versjeen óm miene móndj,
ein traon ónger mien ouge, ich zjweefde,
weg van dees welt mit corona, mit zörg,
mit luuj wie Trump, mit vermuiend gesjörg.

Toon, Toots en Lissa,
sjtrui eure muzikale confetti óm mich bie,
‘t bringk gelök, ich vuil mich dan vrie,
wie eine zjwevende ballón in ein lóch vol zón,
wie eine draak, bewaegend in de wèndj,
wie doe bie dat ónbezörg sjpele es kèndj.

Toegang tot alle Plus-artikelen?

Dagelijks worden meer dan 100 Plus-artikelen gepubliceerd door de verslaggevers van De Limburger. Steun de regionale journalistiek en word digitaal abonnee vanaf 1,04 per week.

Profiteer nu