Biej wieze van sjpreëke

Print
Biej wieze van sjpreëke

Afbeelding: Heemkundevereniging Brunssum

Brunssum -

Regelmatig presenteert de dialectgroep van de Heemkundevereniging Brunssum ‘Bie Wieze Van Sjpreëke’. „Vier nuëdige jieëderee oet om hie aan deel te numme. Doer ‘n sjtukske te sjrieve en noa w.roeselers@outlook.com te sjikke, of om ‘ns langs te komme op een van os oavende; de 2e moandig van de moand om 20.00 oer in de vuurmalige Mariasjoeël teëgenuëver ’t polisieburo Prins Hendriklaan 382, 64443 AE in Broenssem.”

Ing sjter

D’r sjnei kumt
durch d’r d’r wink gejaagd
mien vinster langs gewiemeld
ich huur
wie durch die wattewelt
van wieds ing klöksjke biemelt
ing hoëge toeën
ing lieëge toeën
es gong get touw en oape
dat deet mich
of ich wil of neet
de oge touw en sjloape

D’r wink huurt óp
‘t sjneit neet mieë
‘t kómme sjterre winke
ich zieën
juus boave ós ouw kirk’
ing ganse groeëte blinke

Woëvuur hat boave Bethlehem
deë sjtroalesjter gesjtange,
wen deë noe ins
‘t kós toch zieë
bis Broenssum woar gegange?

Je las zojuist een gratis artikel


Niet alle artikelen zijn gratis, want zogeheten Plus-artikelen zijn alleen te lezen door abonnees. Zonder abonnees kunnen we namelijk geen betrouwbare regionale journalistiek maken. Je leest al onze artikelen vanaf 1,04 per week.

Bekijk de aanbieding →