Gedicht in ’t Zittesj

Print
Gedicht in ’t Zittesj

Afbeelding: Ralph Schaeken

Born / Buchten / Holtum / Papenhoven / Geleen / Graetheide / Sittard / Windraak / Limbricht / Einighausen / Guttecoven / Munstergeleen / Obbicht / Grevenbicht -

Deip aomhaole

Jederein, dat is ein gegaeve,
maak taegewèndj mit in zien laeve,
ein ónvoldoende veur gesjiedenis,
ein rie-exame dat te lestig is.

De leifste, dae ‘t oetmaak, nao jaore vrieje,
mit d’n auto taege ein päölke rieje,
‘n hoes, dat me wilt, neit kènne koupe,
die baan, wo-op gehaop, misloupe.

Apneu, of thoes ingebraoke,
e laek, aangebrend aete bie ‘t kaoke,
super-sjlech waer tiedens ‘t reize,
eine miskraom, of pap al jónk verleize.

De wèndj van veure bie de baas,
bie de laoterie weier geine pries, helaas,
de voetbalklup verloor mit 5-1,
en gister misde veer d’n trein.

Jederein truf ‘t, volwassene of kèndj,
jederein erveert waal èns taegewèndj,
‘t is allein zaak dit goud te doorsjtaon,
me mót weite wie hiemit óm te gaon.

Èns gans deip aomhaole, weier rechop gaon loupe,
en neit: ‘Ich höb úmmer pech!’ blieve roupe,
nao raege kump zón, ónthawt dat gans goud,
en vergaet neit te lache, te geneite, hawt moud!

Je las zojuist een gratis artikel


Niet alle artikelen zijn gratis, want zogeheten Plus-artikelen zijn alleen te lezen door abonnees. Zonder abonnees kunnen we namelijk geen betrouwbare regionale journalistiek maken. Je leest al onze artikelen vanaf 1,04 per week.

Bekijk de aanbieding →