Gedicht in ’t Zittesj

Print
Gedicht in ’t Zittesj

Phil Schaeken. Afbeelding: Jean-Pierre Geusens

Born / Buchten / Holtum / Papenhoven / Geleen / Graetheide / Sittard / Windraak / Limbricht / Einighausen / Guttecoven / Munstergeleen / Obbicht / Grevenbicht -

Wae is volmaak?

Höb geer uch ouch als èns de verkeerde bril opgezat,
of eine trui mit vlekke aangehad,
zeet geer ouch al èns vergaete de achterdeur te sjleite,
of van ‘t zunke te geneite?

Höb geer ouch al èns ‘t leich laote brenne,
of heel hel nao d’n trein mótte renne,
uch ouch al èns per óngelök gesjneje,
zeet geer ouch al èns door glaas gereje?

Höb geer uch ouch al èns versjlaope,
bie eine gesjlaote winkel gedach: ‘Jus nog aope’,
de mèlk euver laote kaoke,
of per óngelök eine tejjer gebraoke?

Höb geer ouch al èns op ‘t taofellake geknoojd,
of de verkeerde sjtruuk geroojd,
zeet geer ouch al èns gevalle,
höb geer uch al èns versjpraoke mit kalle?

Och, nemes is volmaak, nemes is perfek,
en dat is gaar neit erg, dat is gaar neit gek,
jederein maak foute, al höbs te nog zoväöl geleerd,
nemes is volmaak en dat is gaaroets neit verkeerd.

Exclusieve Black Friday Deal

Lees nu één jaar lang alle Plus-artikelen (meer dan 100 per dag) met 78% korting. Actie geldig t/m 29-11.

Profiteer nu