Regelmatig presenteert de dialectgroep van de Heemkundevereniging Brunssum ‘Bie Wieze Van Sjpreëke’. „Vier nuëdige jieëderee oet om hie aan deel te numme. Doer ‘n sjtukske te sjrieve en noa w.roeselers@outlook.com te sjikke, of om ‘ns langs te komme op een van os oavende; de 2e moandig van de moand om 20.00 oer in de vuurmalige Mariasjoeël teëgenuëver ’t polisieburo Prins Hendriklaan 382, 64443 AE in Broenssem.”
Vleege…
Ich zou wille vleege
ónger de zon en boave de reëge
en kieke noa ónger
noa de ermood en hónger
‘t geweld in de welt
en de hónger noa geld
Ich zou wille vleege
ónger de zon en boave de reëge
en ich zou wille sjreie
Dat ze oet mótte sjeie
mit al ‘t geweld
en de hónger noa geld
Ich zou wille vleege
en zónger te leege
d’r Hergot wille vroage
op mieng kneie, gans deep geboage
loat sjtóppe ‘t geweld
en de hónger noa geld
Ich zou wille vleege
en zónger te leege
neet mieë kieke noa ònger
noa de iëlend en hònger
mer kieke noa boave
en d’r Hergod get vroage
Ich zou wille vleege
En vroage um zeëge
Ich zou wille vroage
Op mien kneie,deep geboage
Loat sjtoppe ‘t geweld
En de hònger noa geld