Gedicht in ’t Zittesj

Print
Gedicht in ’t Zittesj

Afbeelding: Jean-Pierre Geusens

Born / Buchten / Holtum / Papenhoven / Geleen / Graetheide / Sittard / Windraak / Limbricht / Einighausen / Guttecoven / Munstergeleen / Obbicht / Grevenbicht -

De Gouw Waek

Maria haw ‘t in häöre boek gedrage,
neuge maondj häör vleisj en bloud,
zie waar de mam, zie leit ‘t laeve,
‘t kiendje gouf häör krach en moud.

Dat kiendje, Jezus, dat woort groter,
Jezus praekde en genous,
en hae zat luuj goud aan ‘t dènke,
vertèlde wie me laeve mous.

Doe koum Palmzóndig, halleluja,
hae woort gepreze, me zoug ‘m gaer,
waat waar Jeruzalem toch sjoon, zègk,
lachende luuj en sjtraolend waer!

Op dónderdigaovend same aete,
mit zien vrunj, me drónk ouch wien,
daonao, in d’n haof gezaete,
woort hae verraoje, dat deig pien.

Op de vriedig dae doe volgde,
droug hae ein kruuts, beet op zien tenj,
sjtrómpelde nao Golgotha,
dao sjloug me naegel door zien henj.

Doe sjtórf ‘r, hae en nóg twee mansluuj,
gans hoog, daobaove op dae berg,
en noe, 2000 jaor later,
herhaole veer: ‘Waat waar dat erg!’

Mer kóm, neit klage, blieve treure,
‘t woort jao Paosje, d’n dood veurbie,
veer viere dat ouch noe nog ummer,
óndanks corona: Laef, bès blie!

Meer lezen?

Nieuwe actie: Één jaar toegang tot alle Plus-artikelen voor slechts 1,04 per week. Daarmee lees je dagelijks meer dan 100 nieuwe Plus-artikelen op onze site & app. Of kies voor een van onze andere abonnementen.

Ik word digitaal abonnee