Gedicht in ’t Zittesj: ‘Euver pap en pien’

Print
Gedicht in ’t Zittesj: ‘Euver pap en pien’

Afbeelding: Jean-Pierre Geusens

Born / Buchten / Holtum / Papenhoven / Geleen / Graetheide / Sittard / Windraak / Limbricht / Einighausen / Guttecoven / Munstergeleen / Obbicht / Grevenbicht -

Euver pap en pien

Sjmörges: tillefoon, ziekenhoes Haelder,
pap waar 39 wie hae sjtórf,
waat ein berich, ich waar jus 11,
mam bäökde, sjreefde, kawd en kil,
mien bruierke en zösterke, veer ware moessjtil.

Gries waar daen daag de lóch,
de welt verangerde inèns,
veur ummer, veur altied,
es kèndj góng me get belangrieks misse,
me waar de pap jao kwiet.

Geine pap dae hólp mit hoeswerk,
of èns voetbalde mit mich,
geine óm èns mit te kalle,
euver vruiger, wie ‘t waar,
doe, in Lömmerich.

Geine óm vakans te viere,
benj te plekke,
oet te gaon,
geine óm èns mit te lache,
teun oethaole waar gedaon.

Waal ein mam, verdreitig, einzaam,
mit drie kènjer in de gruij,
die veur alles noe allein sjtóng,
tied van laegte,
in plaatsj van bluij.

Mer, kóm Phil, hawt de kop ómhoog,
klage, éch, dat deit gein goud,
doe koosj hie effekes dien ei kwiet,
haol deip aom, kóm op,
hawt moud!

Toegang tot alle Plus-artikelen?

Word nu abonnee en lees al onze Plus-artikelen voor slechts 1,04 per week. Ruim 110.000 tevreden lezers gingen je al voor.

Bekijk de actie-abonnementen