Gedicht in ’t Zittesj: 13.808

Print
Gedicht in ’t Zittesj: 13.808

Afbeelding: Jean-Pierre Geusens

Born / Buchten / Holtum / Papenhoven / Geleen / Graetheide / Sittard / Windraak / Limbricht / Einighausen / Guttecoven / Munstergeleen / Obbicht / Grevenbicht -

13.080

Dees waek reclamefoldesj bekeke
en prieze vergeleke:
Bonus AH, Cola 1 + 1 gratis,
ein póndj peisje 1,49, keesje 2,99,
bie de Lidl, eine kilo banane 0,79,
2 zek cashew-cranberrymix 3,50,
bie de Nettorama, eine bloumkool 0,99,
wien, Zuydpunt, robuust/vol sjmaak,
2 flesje veur 6 euro, dae pries is raak!

Op ‘t Dutsj, bie de Edeka,
Müller – riestepap 0,39,
Bitburger Pils, ein krat 10,79,
bie de Plus, 2 pöt pindakees veur 3,99,
‘Pak je voordeel’: 4 appelflappe veur 1,99!

Noe nog effe de gezèt:
‘Kernmachten vullen na 30 jaar
hun arsenaal aan’,
Amerika, Ruslandj, China,
Èngelandj, Pakistan, India,
Noord-Korea, Israël en Frankriek,
höbbe same 13.080 kernwaopes, zo bliek.

Kernwaopes, 13.080!
dat maag me neit vergaete,
zeen soms belangrieker es genóg te aete.

Volges ‘t Sjtockholm Instituut veur
Internationaal Vredesóngerzuik
hawte Amerika en Ruslandj
zich netjes aan de aafsjpraoke
die zeen gemaak in nucleaire verdrage,
dus, luuj, neit klage.

Gelökkig, dan zal leige waal neit mee besjtaon,
en kènne veer dao-op vertroewe,
ós toekoms op boewe,
noe kèn ich gerös op waeg gaon,
veur dae wien, dae pindakees, dat beier,
veur geweun alledaags plezeier!

Toegang tot alle Plus-artikelen?

Word nu abonnee en lees al onze Plus-artikelen voor slechts 1,04 per week. Ruim 110.000 tevreden lezers gingen je al voor.

Bekijk de actie-abonnementen