Biej wieze van sjpreëke: Kruutser langs Limburgse weëg
© Heemkundevereniging Brunssum
Regelmatig presenteert de dialectgroep van de Heemkundevereniging Brunssum ‘Bie Wieze Van Sjpreëke’. „Vier nuëdige jieëderee oet om hie aan deel te numme. Doer ‘n sjtukske te sjrieve en noa w.roeselers@outlook.com te sjikke, of om ‘ns langs te komme op een van os oavende; de 2e moandig van de moand om 20.00 oer in de vuurmalige Mariasjoeël teëgenuëver ’t polisieburo Prins Hendriklaan 382, 6443 AE in Broenssem.”
Kruutser langs Limburgse weëg
Op veuël kruutsinge van weëg,Zuut me i Limburg èè geetijzere Kruuts sjtoan,Doa mot me neet zoeë mer aan vuurbiej goan,Mer helaas kiejke de luuj doa noeë neet miej noa om,Ze sjame zich om èè kruuts te make, dat vènge ze sjtom,Vreuger ding me de patsj aaf es me langs èè kruuts leep,Of beugde deep,Noeë doeën dat alleen nog ouwer luuj, Diej houte Gods Naam nog in ieëre,Omdat ze dat vreuger zoeë lieërde.
Huuj-se daags vroage de luuj zich waal aaf,Woeërom zint zonjigs de Kirke leeëg wat is d’r aan de handj, Nog neet zoeëlang geleije ginge missionarisse noa èè vreëm landj,Diej kènne noeë beëter blieve in ege landj,Want hiej brent noeë de lamp, Ziej geëve de kirk de sjood,Diej doeën ‘t in hun oge neet good,Mer mot de sjood oog neet biej hun zelf weëre gezoch,Of Is dat te kort doeër de boch,Wat viejr vreuger krege gelieërd,Woar toch neet verkieërd.
Mer ‘t kan beëter al is ‘t viejf vuur twelf, Doa zint v’r os va bewust en zègge dat zelf,D’r mot sjnel get gebueëre,Angesj kènne ze sjleete alle Kirkduëre,Loat ‘t in Godsnaam zoeë wiejt neet komme,En os neet houte vuër de domme Num ‘t hef èns in eege handj,Dan kumpt ‘t vast weer good in oes landj,Dat doeërt natuurlèk een aantal joareEn besef, ‘t mienjsdom is nog neet verloare.