Gedicht in ’t Zittesj: Herfsgelök

Print
Gedicht in ’t Zittesj: Herfsgelök

Afbeelding: Jean-Pierre Geusens

Born / Buchten / Holtum / Papenhoven / Geleen / Graetheide / Sittard / Windraak / Limbricht / Einighausen / Guttecoven / Munstergeleen / Obbicht / Grevenbicht -

Herfsgelök

Nóg vruntjelikker es veurig jaor,
‘t zónleich en de sjoon blaw lóch,
nóg bóntjer, goudgaeler, broeniger, éch waor,
de blaar aan buim, of dwar’lend in ‘t róndj,
boete, róndjóm, euveral op de gróndj.

Rae genóg óm deip in te aome,
ein gevuil van gelök te pruive,
zoget sjoons, haos neit te geluive,
wie bie ein muulke doe, oppe gank,
wie bie ‘t heure van èngelezank.

De gries gerdien is aope getrokke,
de begraefeniswage bie de kirk vertrokke,
‘t liek waal veurjaor,
in d’n haof eine vlinder op ein paarse bloum,
en dat in oktober, ich geluif ‘t koum.

Op eine zaoterdig in Zitterd,
herfsgelök, esof alles sjittert.

Toegang tot alle Plus-artikelen?

Dagelijks worden meer dan 100 Plus-artikelen gepubliceerd door de verslaggevers van De Limburger. Steun de regionale journalistiek en word digitaal abonnee vanaf 1,04 per week.

Profiteer nu