Biej wieze van sjpreëke: Sjtorm

Print
Biej wieze van sjpreëke: Sjtorm

Afbeelding: Heemkundevereniging Brunssum

Brunssum -

Regelmatig presenteert de dialectgroep van de Heemkundevereniging Brunssum ‘Bie Wieze Van Sjpreëke’. „Vier nuëdige jieëderee oet om hie aan deel te numme. Doer ‘n sjtukske te sjrieve en noa w.roeselers@outlook.com te sjikke, of om ‘ns langs te komme op een van os oavende; de 2e moandig van de moand om 20.00 oer in de vuurmalige Mariasjoeël teëgenuëver ’t polisieburo Prins Hendriklaan 382, 6443 AE in Broenssem.”

Sjtorm

Mit radau sjleet de windj
de reëge teëge de roete
de beum beuge deep
’t is ongemuutlich boete

De geraniums prebere
Mit al hun krach
Rechop te blieve
Teëge die uëvermach

Oetintelik verleze ze
Hun kluërrieke kup
Dat alles doer de sjtorm
Deë vieze mup

In tied van inne vlook
Vlege blaar in ’t rondj
Tek van de noeëteboom
Ligke oppe grondj

Gene voeëgel te zieën
In sjtruuk en in higke
Hubbe ze zich versjtoake
Bis der sjtorm weer geet ligke

Alleen der tuinkabouter
Deë sjtomme flater
Sjteet lachenteëre mit
Zien sjoepkar in ’t water

Toegang tot alle Plus-artikelen?

Dagelijks worden meer dan 100 Plus-artikelen gepubliceerd door de verslaggevers van De Limburger. Steun de regionale journalistiek en word digitaal abonnee vanaf 1,04 per week.

Profiteer nu