Biej wieze van sjpreëke: Zoeë mér inne daag

Print
Biej wieze van sjpreëke: Zoeë mér inne daag

Afbeelding: Heemkundevereniging Brunssum

Brunssum -

Regelmatig presenteert de dialectgroep van de Heemkundevereniging Brunssum ‘Bie Wieze Van Sjpreëke’. „Vier nuëdige jieëderee oet om hie aan deel te numme. Doer ‘n sjtukske te sjrieve en noa w.roeselers@outlook.com te sjikke, of om ‘ns langs te komme op een van os oavende; de 2e moandig van de moand om 20.00 oer in de vuurmalige Mariasjoeël teëgenuëver ’t polisieburo Prins Hendriklaan 382, 6443 AE in Broenssem.”

Wie flot inne daag toch vergeet,
Bedink ich mich jieëdere kieër went de zon onger geet!
Dan laot ich mien gedachte ins achterhoale,
Wat houw deë daag vuür ’n verhoale?

Deë daag deë vreug is begos,
Omdat ’t noe eenmoal neet angesj kos!
Oetsjloape zoot d’r gewuën neet in,
Mér dat heët ooch wieënig zin!

Rustig ’n bietje bie gekomme,
En doa noa ’n ontbijtje genomme!
Vervolges d’r agenda ins d’r bie gepak,
Om te kieke welke afsproake d’r vuur huuj zunt gemak!

Precies zoeë wie ich ’t mich houw gedach,
En ich houw mich d’r mér flot bie neergelag!
D’r agenda sjting weer volledig vol,
Kortom: inne nuuje wirkdag sjting op de rol!

Op weëg noa ’t wirk gegange,
Mit mér één groeët verlange!
Went zoeë merkde ich al gauw,
D’r hiëmel woar sjtroalend blauw!

Woare die 8 oeër noe mér al vuurbie,
Dan houw ich weer lekker vrie!
Mér dat woar mich huuj neet gegeëve,
Tsja, zoeë geet dat in ‘t leëve!

Op ‘t wirk woar ’t hieël erg druk,
Dat woar ’n geluk bij ’n ongeluk!
Want flotter dan ich houw gedach,
Woeërd doeër mien collega’s ‘bis murge’ gezag!

Inne hiële vrieje oavend in ’t vuuroet zich,
Dat goof inne glimlach op mien gezich!
Ieësj rustig mit z’n alle get gegeëte,
En doe de leuke dinger van ’t leëve neet vergeëte!

D’r woare deë oavond veuël sjoeën dinger,
Zoeë wieë ’t gejoel van alle kinjer!
En dan de pracht en praal van de natuur,
Ooch in dizze tied nog ongeremd en puur!

Vanzelf minder leuke dinger woare d’r ooch get,
Mér doa hub ich effe neet teveuël bie opgelet!
Die wirke toch alleen mer op ‘t gemood,
En dus is doa-aan dinke gaar neet zoeë good!

De zon begos onger te goan,
En d’r daag hoeërt langzaam op te besjtoan!
Inne daag mit veuël gebuërde zake,
Die os herinneringe noeëts kwiet zulle rake!

Meer lezen?

Nieuwe actie: Één jaar toegang tot alle Plus-artikelen voor slechts 1,04 per week. Daarmee lees je dagelijks meer dan 100 nieuwe Plus-artikelen op onze site & app. Of kies voor een van onze andere abonnementen.

Ik word digitaal abonnee