Gedicht in ’t Zittesj: Zónger dich

Print
Gedicht in ’t Zittesj: Zónger dich

Afbeelding: Jean-Pierre Geusens

Sittard -

Elke week een gedicht van Phil Schaeken in het Sittards dialect, over een onderwerp dat hem bezighoudt.

De koffie zou zónger dich gaar neit mee sjmake,
zónger dich waar d’n haof neit zo sjoon wie ‘r is,
lekker vla, ich zou ze allein gaar neit make,
zónger dich, waat ich dan toch neit allemaol mis!

‘Goud gesjlaope ?’ zou sjmörges dan nemes mee zègke,
de taofel waar ónger dan neit mee gedèk,
de wesj, neit effekes oppe trap lègke,
ich moosj alles zélf koupe, vleisj, gruinte, wèk.

Wae zag dan nog: ‘Phil, die bóks sjteit dich sjoon’,
of: ‘Höbs te dat nèsjke dao ouch al bemirk?’
Wae koch dan nog bloume, zou ich dat ouch doon?
Of góng nog èns mit, in de sjtad nao de kirk?

Wae pakde mich dan nog èns ónger d’n erm,
of góng mit mich mit op vekans nao de zee,
wae heil mich ’t bèd vanteveure al werm,
of keek saoves same mit mich nao de tv?

Wae kaokde dan nog de lekkerste sop,
wae bakde de vösj, kortelèt, biefsjtök,
wae zoch dat wachwoord effekes op,
nede dae knoup of dat läökske in mien zök?

‘Hannie, wat is dat veur plant, wie log ich hie oet,
en van wae is dat kèndj noe de zoon,
wat numme veer eigelik hie veur besjloet,
en de wesj, wie mót ich die doon?’

Veur mich bès te zuurstof, veur mich bès te water,
ich kèn dich neit misse, dat wit jederein,
dat mein ich veur noe, dat mein ich veur later,
zónger dich bèn ich einzaam, zónger dich gans allein!

Meer lezen?

Nieuwe actie: Één jaar toegang tot alle Plus-artikelen voor slechts 1,04 per week. Daarmee lees je dagelijks meer dan 100 nieuwe Plus-artikelen op onze site & app. Of kies voor een van onze andere abonnementen.

Ik word digitaal abonnee