Gedicht in ’t Zittesj: Kim Phuc

Print
Gedicht in ’t Zittesj: Kim Phuc

Afbeelding: Jean-Pierre Geusens

Sittard -

Elke week een gedicht van Phil Schaeken in het Sittards dialect, over een onderwerp dat hem bezighoudt.

Herinnert geer ‘t uch nog ? Juni ‘72,
napalmaanval op ein dörp in Vietnam,
de kleijer van ein kèndj vadde vlam.

Zónger kleijer rende Kim, bäökend,
anger kènjer rende mit, ermkes oeterein,
euver eine zandjwaeg, groot leid biejein.

Kim, 9 jaor doe, ocherm,
haw brandjwónje op rök en erm,
dit triestig gegaeve bleef in mien geheuge laeve.

Fotograaf Nick Ut brach häöm nao ein krankenhoes,
‘t kreeg bloud en sjtökker nuuj hoed,
nao ein jaor koum Kim dao-oet.

Operatie op ‘t Dutsj, toch nog gezóndjheidsprobleme,
mer Kim haet ‘t verdrage, haet d’n dood,
de minsj mit zien oorlogsgeweld, versjlage.

Ich bèn in Zitterd, bie Ligne 5,
nao eine tentoonsjtèlling gegange
em höb lang bie ein foto sjtilgesjtange.

Die waar gemaak in 2018, door Ruben Timman,
oppe foto: Kim es volwasse vrouw van 55,
sjoon gekleid, glumlach op ‘t gezich.

‘t Woort dit gedich,
ich woort namelik enórm geraak,
Kim, kwiek, fier, sjoon opgemaak.

D’n oorlog in Vietnam koum ten ènj,
die foto droug dao doe aan bie,
Kim laefde nog, ‘t maakde mich blie.

Dood, verderf, élenj, brandj,
sommige luuj hawte dit ouch noe nog in sjtandj,
mer dees foto van Kim Phuc, dao in dae zaal,
gouf mich moud, besjteit d’r dan toch nog zoget wie moraal?

Meer lezen?

Nieuwe actie: Één jaar toegang tot alle Plus-artikelen voor slechts 1,04 per week. Daarmee lees je dagelijks meer dan 100 nieuwe Plus-artikelen op onze site & app. Of kies voor een van onze andere abonnementen.

Ik word digitaal abonnee