Gedich in ’t Zittesj: Veer mótte, veer hawwe, veer zouwe...
© Jean-Pierre Geusens
Elke week een gedicht van Phil Schaeken in het Sittards dialect, over een onderwerp dat hem bezighoudt.
In de kis, nao dienen dood,of es esj, ‘t klink idioot,höbs te pas éch rös, maak ‘t niks oet:is ‘t hawf vief, of al hawf zös?
D’n auto haet aolie gelaek.‘Wienee nao de móndjhygiëniste ?’ ‘Volgende waek!’‘Wits doe nog ‘t wachwoord van Mijn ABP?’‘En de pincode veur Mijn ING?’
‘Blaar op de oprit?’ ‘Alweier!’‘Höbbe veer nog genög eier?’‘U bent de vijfde in de rij’, nao ‘t belle,‘U kunt uw vraag ook online stellen’.
‘Wie laat zulle veer oet gaon aete?’‘Dènk d’raan, de bón neit vergaete!’‘Gaef gaas, hie maogs te 80 rieje!’‘Perbeier dat gekke moele sjnieje te vermieje!’
‘Van ‘t heurapperaat is de batterie laeg’,‘Wits te wieväöl dat ich waeg?’‘Veer mótte ouch nog èns op vakans!’‘Mit dat leidje maaks doe neit väöl kans’.
‘Ich höb ein hawf oer op d’n trein gewach!’‘De zónnepanele höbbe nog neit väöl opgebrach’.‘Wat waar ‘t in Italië doe heit!’‘Ich weit neit of dat dènk ‘t nog deit’.
700 Euro veur eine trèkhaok bie ózze 208,euver te zjwaor gewich woort niks gezag.‘Höbs doe bie häöm ‘t alarm aangezat?’‘Nae, dat lökde mich neit, leive sjat’.
Veer mótte, veer hawwe, veer zouwe,leif luuj, jederen daag alweier opnuuj,dat haet gein ènj, dat hilt neit op,ouch al roup ich héél hel: ‘Sjtop!’
In de kis, nao dienen dood,of es esj, ‘t klink idioot,höbs te pas éch rös, maak ‘t niks oet:is ‘t hawf vief, of al hawf zös.